Талас облусунун Бекмолдо айыл өкмөтүнүн жергиликтүү кеңешинин депутаты Ч.Т.Ж. 4 миллион 200 миң сом опузалоого шектелип кармалды. Бул тууралуу УКМК билдирди.
Тактап айтканда депутат 25-декабрда Бишкек шаарында 1 миллион сом алып жаткан жеринен колго түштү. Ал декабрдын башында Бекмолдо айылына түтүк төшөө боюнча тендерди 67 млн сомго утуп алган жеке менчик компаниянын директорун коркутуп, 67 млн сомдун 6 пайызын берүүнү талап кылган. Болбосо күч колдоноорун, курулуш иштерине тоскоолдук жаратаарын айткан.
