Бишкектин Байтик баатыр жана Кулатов көчөлөрүнүн кесилишинде жайгашкан аялдаманын жанында суу өтүүчү арыкка коюлган темир торго эркек кишинин буту кирип, кыпчылып калган. Бул тууралуу ӨКМден билдиришти.
Жерине саат 13:18де ӨКМдин Бишкек шардык Куткаруу кызматынын 5 куткаруучусу барып, атайы шаймандын жардамы менен темирден бутун чыгарышкан. 69 жаштагы жабырлануучуга куткаруучулар биринчи жардам көрсөтүшүп, Тез жардам кызматына өткөрүп беришкен.