30-декабрдан тарта айрым аймактарда унаа кыймылына убактылуу чектөө киргизилет. Бул тууралуу мэриядан билдиришти.
Жаңы жылды майрамдоого даярдык көрүү жөнүндө буйрукка ылайык, 30-декабрдан 1-январга чейин (кошкондо) айрым жерлерде жол кыймылы, ошондой эле унаа токтотуу эрежелери чектелет.
Чүй проспектиси (Эркиндик бульварынан Панфилов көчөсүнө чейин) 30-декабрда саат 14:00дөн 1-январь саат 07:00гө чейин жабылат.
Киев көчөсү (Эркиндик бульварынан Панфилов көчөсүнө чейин) 31-декабрда саат 14:00дөн 1-январь саат 07:00гө чейин жеке транспорт үчүн жабылат. Кирүү коомдук транспорт үчүн гана болот.
30-декабрда саат 14:00дөн 1-январь саат 07:00гө чейинки аралыкта Панфилов көчөсү (Чүй проспектисинен Киев көчөсүнө чейин) эки тараптуу жол кыймылы үчүн жеткиликтүү болот.
30-декабрда саат 14:00дөн 1-январь саат 07:00гө чейин Эркиндик бульвары (Чүй проспектисинен Киев көчөсүнө чейин) эки тарапка унаа токтотууга тыюу салынат.