Билим берүү министрлиги 12 жылдык окууга өтүүгө даяр эмес. Бул тууралуу Жогорку Кеңештин депутаты Камила Талиева Социалдык саясат боюнча комитеттин жыйынында билдирди.
Анын айтымында, 12 жылдык окууга өтүү жараяны жакынкы убакта ишке ашпайт.
«Министрлик 12 жылдык окууга өтүүгө даяр эмес, жакында өтө да албайт. Булар ЮСАИДге ишенген. Ал уюмдун 24 программасынын 22си жабылып, маалыматтык колдоо жана башка деген экөө эле калды. Эми 12 жылдык окууга өтүү ишке ашпайт. Ошондуктан 10 жылдык окууга өтөлү, Англия деле СССРдин системасына кайтып жатат дегем. Булар донор издеп жатышат, негизги максаты — грант алуу. Билим берүү силерге оюнчук эмес, талкалап бүттүңөр», — деди Талиева.