Чүйдө аялдар жатын жана эмчек рагын аныктоо боюнча акысыз текшерүдөн өтө алышат 

Чүй облустук үй-бүлөлүк медицина борборунда 25-60 жаштагы аялдар жатын жана эмчек рагын аныктоо боюнча акысыз текшерүдөн өтө алышат. Бул тууралуу Республикалык ден соолукту чыңдоо борборунан билдиришти.

Маалыматка караганда, акция Бүткүл дүйнөлүк рак оорусуна каршы күрөшүү күнүнө карата уюштурулууда. «Иш-чаранын негизги максаты — онкологиялык ооруларды эрте диагностикалоонун, жатын жана эмчек рагын эрте дарылоонун жана алдын алуунун маанилүүлүгүнө коомчулуктун көңүлүн буруу», — деп белгилешти борбордон.

Акция 25-январдан 27-январга чейин уланат. Текшерүүдөн өтүүнү каалаган аялдар Чүй облустук үй-бүлөлүк медицина борборуна, Лебединовка айылындагы Үй-бүлөлүк дарыгерлер тобуна саат 12:00дөн 16:00гө чейин кайрылса болот.

Related posts

Шашылыш билдирүү: Нөшөрлөгөн жамгыр күтүлүп жатат

admin

Блогер Батмакан Жолболдуева кайра кармалды. Ал бул жолу акча талап кылууга шектелип жатат

admin

Президенттин иш башкаруучусу Баткендеги курулуш боюнча иликтөөгө комментарий берди

admin

Комментарий