Чүйдө 40 миң доллар талап кылууга шектелген блогерди психиатриялык ооруканага жаткырылышы каралган. Бул тууралуу Жогорку Соттон билдиришти.
Чүй облусунун Аламүдүн райондук сотунун 2023-жылдын 11-августундагы токтому менен шектүү жазык жоопкерчилигинен бошотулуп, кылмыш иш өндүрүштөн кыскартылган. Ал медициналык мүнѳздѳгү мажбурлоо чаралары колдонулуп, адаттагыдай байкоого алуу менен Чым-Коргон айылында жайгашкан Республикалык психиатриялык ооруканасына жаткырылышы каралган.
Жабырлануучу жана өкүлү аларга келтирилген материалдык жана моралдык зыянды өндүрүп берүүнү сураган арызы жана Аламүдүн райондук сотунун тергөө судьясынын 2023-жылдын 30-майындагы токтому менен ага таандык болгон унааларга салынган камак жарандык тартипте чечүү үчүн калтырылды.