Адамдар көп чогулган жерлерде бет кап тагынуу керек. Бул тууралуу министрлер кабинетинин төрагасынын орун басары Эдил Байсалов катышкан коронавирус боюнча штабдын жыйынында айтылды.
Саламаттыкты сактоо министрлигинен билдиришкендей, өлкөдө аталган илдет менен ооругандардын саны азайган. Бирок эл көп чогулган жерлерде бет кап тагынуу керек.
«Өзгөчө өнөкөт оорулары бар жана улгайган адамдар үчүн коронавирустан коргонуунун жалгыз жолу бул эмдөө. Дүйнөлүк саламаттыкты сактоо уюму жакынкы айларда дүйнө SARS-CoV-2 илдетине дуушар болуп, өлүм менен коштолушу мүмкүн экенин айтты. Бул медициналык мекемелердин түйшүгүн дагы жогорулатышы мүмкүн», — деди Эдил Байсалов.