13-ноябрда “Айчүрөк” соода борборунун администрациясы Габбазов ЦУМ соода борборунун ээси эместигин айткан. УКМК бул боюнча маалымат берди.
“Айчүрөк” ААКсынын негиздөөчүлөрү — “ЦУМ Холдинг” ААКсы (44% үлүш) жана “Башкы Универсал Дүкөн” ААК (47% үлүш), уставдык капиталдын 8% үлүшү жеке адамдарга таандык. Ошол эле учурда ЦУМ “Айчүрөк” соода жайларын жана кызматтык жайларды ижарага берүү боюнча негизги ишмердүүлүгү аффилияцияланган жана атайын компания “Сити Центр” ЖЧКсы аркылуу ишке ашырылат, анын жалгыз негиздөөчүсү Габбазовдун эжеси Хадия Илшатовна Маметова болуп саналат. Андан тышкары, “Башкы Универсал Дүкөн” ААКнын жалгыз негиздөөчүсү Габбазовдун апасы Маметова Анашхан Хашимахунова болуп саналат.
Ошондой эле, алынган маалыматтар боюнча, “Башкы Универсал Дүкөн” ААКнын директору — Мухтаров Нурмамет Равкатович А.Габбазов жана анын бир тууганы Ришат Илшатович Габбазовдун Бишкек шаарындагы үйдө катталган. Ошентип, “ЦУМ Айчүрөк” ААКсынын чыныгы ээси Габбазов (азыркы Маметов) Анвар Илшатович болуп саналат, ал аталган мүлктү өзүнүн аффилияцияланган адамдарына, анын ичинде жакын туугандарына каттаткан», — деп айтылат маалыматта.