Футбол: Улуттук курама команда Вьетнамды утуп алды

Кечээ, 9-январда Кыргызстандын Улуттук курама командасы Вьетнам менен контролдук беттеш өткөрдү, ал команданын 2023-жылкы Азия Кубогуна даярдыгынын алкагында өттү. Жолугушуу Дохадагы «Al Egla» машыгуу талаасында орун алды.

Беттештин 31’ мүнөтүндө Кожо Жоэл оюндун эсебин ачты. Ал эми атаандаштар оюндун 63’ мүнөтүндө эсепти теңөөгө жетишти. Бирок Айзар Акматов жооптук гол киргизип (75’), кайрадан команданы алдыга алып чыкты. Ошентип, оюн 2-1 эсебинде Кыргызстандын курама командасынын жеңиши менен аяктады.

Беттеш машыгуу мүнөздө өтүп, расмий статуска ээ болгон жок. Штефан Тарковичтин оюнчулары үчүн бул контролдук беттеш турнирге болгон даярдыктын алкагындагы акыркысы болду.

Команданын 2023-жылкы Азия Кубогунда старттык оюну 16-январда Таиландга каршы өтөт.

Related posts

Ташиев: Алар бизнесмендер эмес – уурулар!

admin

Малайзиянын тышкы иштер министри Кыргызстанга расмий сапар менен келет 

admin

Синоптиктер Бишкекте 10-16-ноябрга карата аба ырайынын болжолун жаңылашты

admin

Комментарий