Буга чейин социалдык тармактын колдонуучулары “Газпром Кыргызстан” Бишкек шаарында жана Чүй облусунда калкка газ берүүнү токтотуп жатканын жазып чыгышкан эле. Ишканадан бул маалымат калп экенин билдиришти.
«Бүткүл Борбордук Азияда, тактап айтканда Түркмөнстанда, Казакстанда, Өзбекстанда жана биздин өлкөдө байкалган аномалдуу сууктан улам бардык өлкөлөрдө энергия керектөөнүн олуттуу өсүшү катталды. Ошондой эле, «Газпром Кыргызстан» 2022-жылдын декабрь айында 2021-жылдын ушул мезгилине салыштырмалуу жаратылыш газын 40 пайызга көп сатты, 2023-жылдын январында 18 күн ичинде керектөөчүлөрдүн бардык категорияларына газ берүү 35 пайызга көбөйдү. Республиканын түндүгүн Казакстандан берүүчү магистралдык газ түтүгүндөгү басымдын төмөндөшүнө байланыштуу ишкана коммерциялык ишканаларга, тактап айтканда, мончолорго, ресторандарга, кафелерге жана калкты жана социалдык объектилерди газ менен толук камсыз кылуу максатында өндүрүштүк максаттарда газды пайдаланган ишканаларга газ берүүнү убактылуу токтотту. Мындан тышкары, коммерциялык ишканалар менен түзүлгөн келишимдин шарттарына, ошондой эле Энергетика жана өнөр жай министрлигинин 2015-жылдын 17-октябрындагы №152 буйругу менен бекитилген Жаратылыш газын берүү эрежелерине ылайык, чектөөлөр киргизилген учурда тышкы берүүчүдөн жаратылыш газын берүү учурунда Керектөөчү отундун резервдик түрүн пайдаланууга өтүүгө милдеттүү», — деп айтылат маалыматта.