ИИМ: Ырыс Жекшеналиевге «Полит Узник» баракчасына жарыялаган маалымат боюнча кылмыш иши козголду

«Полит Узник» баракчасынын администратору Ырыс Жекшеналиевге карата кылмыш иши козголду. Бул тууралуу ИИМдин Басма сөз кызматы билдирет.

Маалыматка ылайык, “Полит Узник” баракчасынын админстратору Ырыс Жекшеналиев Ички иштер министрлигинин Тергөө кызматына чакырылып Facebookка тараткан Абдил Сегизбаевдин маалыматы боюнча тергөөгө тиешелүү көрсөтмөлөрүн жооп берди.

Аталган видео эки жыл мурдагы шайлоолорго байланыштуу экендиги аныкталды. «Полит Узник» баракчасындагы жарыяланган эски видео кээ бир активисттердин жана башка адамдардын жалган жана так эмес маалыматтарды таратуучулардын кызыкчылыгы, ошондой эле Жетим-Тоо кенинин айланасындагы абалды курчутуу максатында коомдук ой пикирди атайылап манипуляциялоога багытталгандыгы байкалат.


Аталган жагдайда кылмыштун курамы бар экендигине байланыштуу Кылмыш жаза Кодексинин 278-беренесинин (массалык баш аламандык-) 3-пунктуна (Бийлик өкүлдөрүнүн мыйзамдуу талаптарына жигердүү баш ийбөөгө жана массалык баш аламандыктарга чакырыктар, ошого тете жарандарга зомбулук көрсөтүүгө чакырыктар) ылайык кылмыш иши козголуп, Бишкек ШИИББнын убактылуу кармап туруу жайына киргизилди. Учурда тергөө кызматы тарабынан тиешелүү ыкчам иш чаралар жүргүзүлүүдө.

Related posts

Экс-депутат Өмүрбек Бакиров күнөөлүү деп табылып, 200 миң сом айыпка жыгылды

admin

Алматы шаарында Кыргызстандын жаңы башкы консулу дайындалды

admin

Шакиев: “Улуттук банк тармакка жаңылыктарды киргизүүсү кажет”

admin

Комментарий