Өлкөнүн Коргоо министрлигине акыркы 2 жылда 2 миллиард долларга чейин акча коротулду. Бул тууралуу УКМК төрагасы Камчыбек Ташиев билдирди.
“Коргоо министрлиги боюнча, биз акыркы 2 жылда мамлекет тарабынан 2 миллиард долларга чейин акча короттук. Мындай эч качан болгон эмес. Биздин өлкөгө алынган курал-жарактардын, аскердик техникалардын көлөмү менен салыштырганда, Орто Азиядагы күч балансы өзгөрдү. Бизди алсыз өлкө катары карабай калышты. Бизди азыр күчтүү атаандаш өлкө катары карап калышты. Биздин өлкө бутуна туруп, башкалар Коргоо министрлиги күчтүү болуп жатат деп жатышат”,- деди төрага.