Бүгүн Кыргыз футбол биримдигинин президенти Камчыбек Ташиев футбол боюнча Кыргызстандын жаштар курама командасынын эртең мененки тамактануусуна катышып, команданы, машыктыруучулук жана административдик штабдын мүчөлөрүн 2025-жылкы Азия кубогунун финалдык бөлүгүнө чыгышы менен куттуктады
Кыргыз футбол биримдигинен билдиришкендей, ошондой эле курама команданы куттуктоого биринчи вице-президент Нурдин Букуев, башкы катчысы Медербек Сыдыков жана улуттук кураманын башкы машыктыруучусу Максим Лисицын дагы келди.
Өз кезегинде команданын башкы машыктыруучусу Мирлан Эшенов жана жаштар курама командасынын вице-капитаны Атай Эшенкулов КФБнын жетекчилигине командага көрсөткөн колдоосу жана ишеними үчүн ыраазычылык билдиришти.