Транспорт, коммуникациялар, архитектура жана курулуш боюнча комитетинин төрагасы Мурадил Сыдыков Кыргыз Республикасынын куруучулар союзунун төрагасы Аскарбек Молдобаев баштаган бир катар курулуш компаниялардын жетекчилерин кабыл алды.
Жолугушууда куруучулар Укук бузуулар жөнүндө кодексине киргизилип жаткан өзгөртүүлөр тууралуу өз пикирлерин билдиришти. Аскарбек Молдобаевдин айтымында, көп кабаттуу үйлөрдү, имараттарды курууда курулушчулар бардык мамлекеттик көзөмөлдөөчү органдардын уруксатын алышат. “Биз бардык жагдайларды эске алуу менен кылдат карап чыгып, анан үйлөрдү курабыз. Буга байланыштуу кандайдыр бир кошумча текшерүүлөрдү киргизүү туура эмес деп эсептейбиз”, — деди.
Иш-чарага «Авангард стиль» курулуш компаниясынын директору Эрнис Минкеев да катышты. Ал УКМК тарабынан кармалып, соттун чечими менен эч жакка кетпөө тил каты менен бошотулган.
