6-июнда Бишкектеги Дөлөн Өмүрзаков атындагы стадиондо Кыргызстандын футбол боюнча Улуттук курамасынын 2026-жылкы Дүйнө Чемпиондугу жана 2027-жылкы Азия Кубогунун тандап алуу оюндарынын алкагында Малайзия менен жооптук оюну башталды. Калыстар тобун иорданиялык калыс Адхам Мухаммад башкарып жатат. Беттешке өлкө башчы Садыр Жапаров жубайы Айгүл Жапарова менен келди.
1-таймда №10 номурдагы Гүлжигит Алыкулов эсеп санды ачты. Ал эми оюндун 38-мүнөтүндө Кыргыз курамасы автогол киргизип алып, эсеп сандары теңелип калды. Калыс биринчи таймга 4 мүнөт убакыт кошуп берди. Бирок берилген убакытта эки курама тең эсеп сандарын өзгөртө алган жок.
2-таймда эки курама тең гол киргизе алышкан жок. Беттеш 1:1 эсебинде аяктады.