Коргоо министри Бактыбек Бекболотов бүгүн, 9-июнда Токтогон Алтыбасаровага арналган тарыхый экспозициянын ачылыш аземине катышты.
Иш-чара Түп районунун Ак-Булуң айылында өтүп, ага президенттин Ысык-Көл облусундагы өкүлүнүн биринчи орун басары, Түп районунун акими, Орусиянын Кыргыз Республикасындагы элчилигинин өкүлдөрү, Коргоо министрлигинин аскер кызматкерлери жана айыл тургундары катышышты. Салтанаттуу иш-чаранын башталышында эстеликтин ачылышы болуп, гүлчамбарлар коюлуп, бир мүнөт эскерилип, куран окулду. Иш-чаранын жүрүшүндө министр сөз сүйлөп, улуу ата мекендик согуш жылдарындагы Ленинграддан эвакуацияланган 150 баланы өз камкордугуна алган Токтогон Алтыбасарованын эмгегин баса белгиледи. Иш-чара концерттик программа менен аяктады.