Майда бензин 1,5-2 сомго кымбатташы болжолдонууда 

Нефтетрейдерлер ассоциациясы баанын жогорулашына үч себепти атады.

Үстүбүздөгү жыдын май айында бензин 1,5-2 сомго чейин кымбатташы мүмкүн. Бул тууралуу Нефтетрейдерлер ассоциациясы билдирди.

Маалыматка караганда, Россиянын рыногунда мунай азыгынын бензин тобуна болгон дүң баа жыл башынан бери 35 пайызга жогорулаган.

Кымбаттоого төмөнкү жагдайлар себеп болуп жатканы белгиленди:

ОПЕК+ мамлекеттери май айынан тарта мунайды өндүрүүнү суткасына 1,6 миллион баррелге кыскартуу чечимин кабыл алган;

Батыш мамлекеттеринин Россия мунайынын баасына чектөө койгондуктан сырьёну казып алуу кескин кыскарды. Анын кесепетинен мунай азыктарын өндүрүү азайып, бензиндин баасы өсүүдө;

Жаз айларында Россиянын мунайды кайра иштеткен заводдору пландык профилактикалык оңдоо иштерин баштагандыктан рынокто мунай азыгы азая түшөт.

Ал эми дизель майына болгон баа жыл башынан бери эле жогорку деңгээлде сакталып турат. Буга Россия майды Кытай, Индия, Монголия сыяктуу өлкөлөргө дагы экспорттоп жатканы себеп.

Related posts

Садыр Жапаров маданият министри Алтынбек Максүтовду кабыл алды 

admin

Бишкекте жер титиреди. Соцтармакта көбү жүрөгү оозуна кептеле түшкөнүн жазышууда

admin

Унаасын көл жээгине чейин алып барып, эс алгандарга 15 миң сом айып пул салынды

admin

Комментарий