Садыр Жапаров: Кыргыз-тажик чек арасы жаңы жылга чейин такталат

Жогорку Кеңештин бүгүнкү, 17-ноябрдагы жыйынында президент Садыр Жапаров Өзбекстан менен чек ара маселесине чекит коюлганын билдирди.

“Эми, кудай буйруса, Тажикстан менен чек ара тилкелерибизди тактайбыз. Тоскоолдуктар болбосо жаңы жылга чейин бүтүрүп, алып келебиз”, — дейт ал.

Жапаров Кыргызстан коңшу өлкөлөр менен ынтымакта, достукта жашап, октон бир дагы жоокер каза болбошу керектигин белгилеп өттү.

“Өлкөнүн аянты 199 миң чарчы чакырым болсо, чек араны тактагандан кийин, 210 миңден ашык чарчы чакырым болуп, картабыз чоңоет. Тажикстан менен чек араны чечишкенден кийин Кыргызстанды бүтүн, коопсуз деп айтсак болот. Азыр биз жарты Кыргызстанбыз, 30 жылдан бери кескилеп жатып, жарты кылып салышкан. Баарын кайтарып, бүтүн кылып жатабыз”, — деп айтат өлкө башчы.

Related posts

Доскул Бекмурзаев энергетика министри кызматынан убактылуу четтетилди

admin

Апасы, кызы жана уулу киши колдуу болгон окуя. “4,6 миллион сомду кайрымдуулукка беребиз” дейт маркумдун апасы

admin

8-ноябрга карата өлкөдө күтүлгөн аба ырайы

admin

Комментарий