Президент Садыр Жапаров бүгүн, 2-октябрда, Нарын облусунда Ормон хандын 230 жылдыгына арналган майрамдык иш-чараларга катышат. Бул тууралуу президенттин маалымат катчысы Эрбол Султанбаев билдирди.
Семиз-Бел айылында мамлекеттик тууну салтанаттуу көтөрүү, Ормон хандын эстелигин ачуу жана башка маданий-массалык иш-чаралар болот.
Иш-чаралар УТРКда, республикалык жана облустук телеканалдардын эфиринде, социалдык тармактардагы баракчаларда түз чагылдырылат.
Майрамдык иш-чаралар саат 10:45те башталат.