Президент Садыр Жапаров расмий сапар менен Австрия Республикасына барды. Бул тууралуу мамлекет башчынын маалымат кызматынан маалым болушту. Сапардын алкагында Жапаров Австриянын федералдык президенти Александер Ван дер Беллен менен тар жана кеңейтилген форматта жолугушат.
Мындан тышкары, президент Австриянын федералдык канцлери Карл Нехаммер жана Улуттук кеңештин төрагасы Вальтер Розенкранц менен эки тараптуу сүйлөшүүлөрдү жүргүзөт. Бул сапар өлкөлөр ортосундагы саясий жана экономикалык кызматташтыкты бекемдөөгө багытталган.