Бишкек шаарынын административдик соту Талас округунан шайлоонун жыйынтыгын жокко чыгарды. Бул тууралуу соттон билдиришти.
Соттун 28-февралындагы чечими менен Бишкектин экс-мэри Эмилбек Абдыкадыровдун административдик доо арызы канааттандырылган.
«Шайлоо жана референдум өткөрүү боюнча борбордук комиссиясынын 2024-жылдын 22-февралындагы №4 чечими күчүн жоготту деп табылып, соттун чечими менен БШКнын шайлоо өттү деген токтому жокко чыгарылды», — дешти.
Буга чейин Бишкектин экс-мэри Эмилбек Абдыкадыров Борбордук шайлоо комиссиясынан Талас районунан талапкер Бактыбек Чойбековго карата шайлоонун жыйынтыгын жараксыз деп табууну өтүнгөн. Борбордук шайлоо комиссиясынын төрайымы Нуржан Шайлдабекова белгилегендей, соттун чечиминде арыз ээси тергөө учурунда көрсөтмө берүүдөн баш тарткан.