Түркиянын Шанлыурф жана Адыяман шаарларында нөшөрлөп жааган жамгырдан улам катуу сел жүрдү. Бул тууралуу TRT Haber жазды.
Окуянын кесепетинен көчөлөр менен проспектилерди суу каптап, беш адам набыт болгон. Шанлыурфдагы оорукананын биринчи кабаты суу алдында калып, бейтаптар жогорку этаждарга которулган.
Өлкөнүн ички иштер министри Сулейман Сойлу учурда издөө жана куткаруу иштери жүрүп жатканын билдирди.