Акылбек Жапаров борбор калаада тазалыкты жана тартипти сактоого чакырды.
«Айылдан келдиңер. Силер да окуганы келдиңер. Бирок бул деген өлкөнүн борбору. Жерге түкүрүп-какырбагыла, бут кийимиңерди тазалагыла, кир кийим менен троллейбуска кирбегиле. Биз троллейбуска кирерде бут кийимдерибизди тазалап кирчүбүз, кир болсо жөө басчубуз. Кайра ошол атмосфераны алып келишибиз керек.
Бишкектин борборунда семечка саттырбагыла деп канча айтам. Самсы-мамсы саттырбагыла дейбиз. Иш-чара өткөрөбүз, «Тазалык» 40 тонна таштанды чыгарат. Уят да ошол. Башка өлкөлөрдөгүлөрдү көрүп жатпайбызбы өзүнүн таштандысын өзү алып кетет. Ошонун баары тарбия», — деди ал.