Өзбекстанда 14 жашар өспүрүм аталаш тууганын атып алды. Бул тууралуу Ташкент облусунун ички иштер башкы башкармалыгына таянып чет элдик басылмалар жазып чыкты.
Андагы маалыматка караганда, үстүбүздөгү жылдын 2-августунда Ташкент облусунун Паркент районунда аталаш бир тууган өспүрүмдөр үйдөн таякесинин пневматикалык мылтыгын эч кимге көрсөтпөй алып чыгып кетишкен.
Алар канаттууларга аңчылык кылуу учурунда 14 жаштагы бала кокусунан 15 жаштагы тууганын көкүрөк тушка атып алган. Өспүрүм алган жараатынан улам, окуя болгон жерден каза болгон.
Бул факты боюнча кылмыш иши козголуп, окуянын чоо-жайы иликтенип жатканы айтылат.