УКМК КР ишкерлерге кысым көрсөтүү жана акча талап кылуу фактысын токтотту
Кыргыз Республикасынын Улуттук коопсуздук мамлекеттик комитетинин басма сөз кызматынын маалыматына ылайык, Токмок шаарында жергиликтүү ишкерлерден системалуу түрдө акча талап кылуу схемасы аныкталып, бөгөт коюлду.
Иш-чаралар Кыргыз Республикасынын Президентинин «Менчикти коргоо жана ишкерлерди жана инвесторлорду колдоо жөнүндө» Жарлыгын ишке ашыруу алкагында жүргүзүлдү.
Тергөө материалдарына ылайык, 1989-жылы туулган Ц.Д.В. аттуу жаран (жеке жактоочу) белгисиз адамдардын көмөгү менен Токмок шаарында курулуш иштерин жүргүзүп жаткан ишкерлерге кысым көрсөтүп келген.
Ишкерлерге ар кандай мамлекеттик органдар — ИИМ, прокуратура, УКМК, экологиялык кызматтар жана жергиликтүү өз алдынча башкаруу органдары тарабынан текшерүүлөр уюштурулары тууралуу коркутуулар айтылган. Ошондой эле социалдык тармактарга жалган маалымат таратуу менен басым жасалганы белгиленген.
2026-жылдын 15-майында КР Кылмыш-жаза кодексинин 208-беренеси (опузалап талап кылуу) боюнча козголгон кылмыш ишинин алкагында, шектүү 15 000 АКШ долларын алып жаткан жеринен кармалды.
Учурда ал УКМКнын убактылуу кармоочу жайына киргизилди. Тергөө иштери уланууда.
