Тоңдо аксакал 60 жаш тоюн бербей, окуучуларга китеп сатып берди. Бул тууралуу соцтармакта жазылды.
«Тоң районуна караштуу Коңур-Өлөң айылындагы Киреше Иманалиев атындагы мектепке Рысбек Мусабаев байкебиз 60 жашка толуп, бирок алтымыш жылдык той бербей, Түркияда иштеген уулу менен бирге демилге көтөрүшүп, тойго кетүүчү каражатты соопчулук үчүн, келечек муун окуучулар үчүн 5000 доллар өлчөмүндө 1-11-класстарга жетишпеген 500 китеп, маданий иш-чаралар үчүн 2 чоң колонка, микрофондору менен, 4 доска, мугалимдер үчүн диван, салттуу коңгуроонун ордуна «комуз күүлөрү» программасын орноттуруп беришти», — деп жазылат билдирүүдө.
