Коррупцияга каршы саясатты ишке ашыруу, ошондой эле Ысык-Көл облусунун энергетика тармагындагы мыйзам бузууларды алдын алуу максатында КР УКМК тарабынан 2026-жылдын 29-январында козголгон кылмыш ишинин алкагында «Кыргызстандын улуттук электр тармагы» ААКнын Ысык-Көл электр тармактар ишканасына караштуу Ак-Суу райондук электр тармактарынын эсептөө инженери К.М.А. кармалды.
Тергөө материалдарына ылайык, ал электр эсептегичте пломба жок экендигине байланыштуу салынуучу айып пулдун өлчөмүн азайтуу максатында Ысык-Көл облусунун Ак-Суу районунда туризм кызматын көрсөткөн айрым ишкерлерден накталай акча каражатын талап кылган деп шектелүүдө.
Чогултулган материалдардын негизинде К.М.А. Каракол шаарынын ИИБнин убактылуу кармоочу жайына 48 саатка камакка алынды.
Тергөө иштери улантылууда.