Бул тууралуу УКМКнын маалымат кызматынан билдиришти.
Маалыматта айтылгандай, УКМК Чүй облусунун Ички иштер башкы башкармалыгы менен биргеликте уюшкан кылмыштуулукка каршы күрөшүү боюнча тиешелүү иш-чаралардын жүрүшүндө уюшкан кылмыштуу топтун мүчөлөрүнүн мыйзамсыз иш-аракеттерин аныктап, бөгөт койду.
Тактап айтканда, Чүй облусунун Сокулук районунун Күн-Туу айыл аймагында уюшкан кылмыштуу топтун мүчөлөрү жергиликтүү бийлик өкүлдөрүнө карата физикалык зомбулук көрсөтүү жолу менен 1 гектар айыл чарба багытындагы жер тилкесин мыйзамсыз ээлеп алышкан.
Жүргүзүлгөн ыкчам-иликтөө иш-чараларынын натыйжасында уюшкан кылмыштуу топтун мүчөлөрү: И.Э., И.С. жана М.К. аттуу жарандар аныкталып, алар козголгон кылмыш ишинин алкагында кармалып, КР УКМКнын убактылуу кармоочу жайына киргизилди. Учурда бул адамдардын башка кылмыштарга катыштыгы такталууда.
