УКМК: Таласта тигүү фабрикасын курууда анын наркы жасалма түрдө жогорулатылган   

Талас шаарынын мэриясынын жана облустук өнүктүрүү фондунун жооптуу кызматкерлеринин ишмердүүлүгүндө мыйзам бузуулар аныкталды. Бул тууралуу УКМКнын басма сөз кызматы билдирди.

Маалыматка ылайык, кызмат адамдар тарабынан тигүү фабрикасын куруу үчүн атайылап пайдасыз келишим түзүү фактысы боюнча кылмыш иши козголгон.

Тергөөнүн жүрүшүндө Талас облусун өнүктүрүү фондунун алдындагы Байкоочу кеңеш шаарда тигүү фабрикасын куруунун долбоордук-сметалык документтери жана максатка ылайыктуулугу боюнча корутундулары жок, жалпы суммасы 82 млн сомдук долбоорду мыйзамсыз жактырып, долбоордун иш жүзүндөгү наркын жасалма түрдө жогорулатып бекитип бергендиги аныкталган. 

Анын бир бөлүгү 25 млн сом “Ника KG” ЖЧК курулуш уюмунун эсебине мөөнөтүнөн мурда которулуп берилгени аныкталды. Тигүү фабрикасын куруунун алгачкы этабында эле мамлекетке 7 млн сомдук зыян келтирилген.

Учурда кызмат адамдарын жоопкерчиликке тартуу боюнча тиешелүү ыкчам иликтөө иш-чаралары жүргүзүлүүдө.

Related posts

Актёр Чыңгыз Мамаев үй камагына чыкты 

admin

Бишкектеги Панфилов атындагы парк аймагындагы 41,6 млн сомдук жер тилкеси жеке менчикке өтүп кеткен. Ал мамлекетке кайтарылды

admin

Ооганстандагы жер титирөөдөн 500гө жакын адам каза болду

admin

Комментарий