Сейсмология институтунун маалыматына ылайык, 28-декабрь күнү саат 23:16да Ысык-Көл облусунун Кытай менен чектешкен аймагында жер титиреди.
Анын очогунда күчү 6 баллга жеткен. Ал эми Ак-Суу районунун Таш-Короо, Кургак айылдарында 5 балл, Эчкили-Таш, Койлуу, Май-Саз айылдарында 4,5 балл, Түп районунун Кең-Суу айылында 4,5 балл жана Каракол шаарында 3,5 баллга чейин сезилген. Жер титирөөдөн жабыркагандар жана кыйроолор катталган жок.