Ысык-Көлдө тоого лыжа тебүүгө чыккан 23 туристти кар көчкү басып, 4 киши каза болду. Бул тууралуу Ысык-Көл ОИИБден тастыкташты.
Маалыматка караганда, кырсык 25-февраль күнү болгон. Ак-Суу РИИБге Шахты-Жыргалаң айылында 4 жаран кар көчкү алдында калып каза болгону тууралуу маалымат түшкөн. Аталган билдирүү РИИБге катталып, текшерүү иштери башталган. 23-февралда Чехиянын 23 жараны тоодо лыжа тебүү үчүн Ак-Суудагы мейманкага барып жайгашышкан. 25-февралда саат 09:00дө тоого чыгышкан. Тоодон түшүп келе жатышканда кар көчкү жүрүп, баарын кар басып калган. 19 адам бирин-бири чыгарып, 4 адам каза болгону аныкталган.
Каза болгондор Чехия мамлекетинин жарандары:
- 1978-жылы туулган К.П.
- 1994-жылы туулган С.М.
- 1982-жылы туулган Ж.Т.
- 1995-жылы туулган О.В.
Алардын жансыз денелери Ысык-Көл облустук өлүкканасына жөнөтүлгөн.