Өзгөчө кырдаалдар министрлиги бугүн, 8-сентябрга карата өлкө аймагында күтүлгөн аба ырайы тууралуу маалымат таратты.
Ага ылайык, Ысык-Көл, Нарын облусунун айрым жерлеринде, Чүй облусунун тоолуу райондорунда өткүн өтүп, күн күркүрөшү күтүлөт, калган аймактарда жаан-чачын күтүлбөйт.
Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетиши күтүлөт.
Абанын температурасы Чүй облусунда +28…+33, Талас облусунда +27…+32, Ош, Жалал-Абад, Баткен облустарында +30…+35, Ысык-Көл облусунда +25…+30 жана Нарын облусунда +26…+31 градус ысыйт.
Ал эми Бишкек шаарында +30…+32, Ошто +33…+35 градусту көрсөтүп турат.