Бүгүн, 2-августта Баткен облусунун көпчүлүк аймактарында, Талас, Ош, Ысык-Көл, Нарын облустарынын кээ бир райондорунда, Чүй, Жалал-Абад облустарынын тоо этектеринде жана тоолуу райондорунда өткүн өтүп күн күркүрөшү күтүлөт, Чүй, Жалал-Абад облустарынын өрөөндөрүндө жаан чачын күтүлбөйт. Бул тууралуу ӨКМден билиришти.
Батыштан соккон шамалдын ылдамдыгы секундасына 4-9 метрге жетиши күтүлөт.
Абанын температурасы Чүй облусунда +31…+36, Ош, Жалал-Абад, Баткен облустарында +32…+37, Талас облусунда +29…+34, Ысык-Көл облусунда +23…+28 жана Нарын облусунда +25…+30 градус болору күтүлүүдө.
Ал эми Бишкек шаарында абанын температурасы +33…+35, Ош шаарында +34…+36 градуска көтөрүлөт.