Өзбекстан Кыргызстан менен чек арада жашаган 130дай үй-бүлөнү көчүрүүнү пландоодо. Бул тууралуу премьер-министр Абдулла Арипов 14-ноябрда Олий Мажлистин Мыйзам чыгаруу палатасынын жыйынында билдирди.
Анын айтымында, чек ара аймактарын делимитациялоо жана демаркациялоодон кийин чек арадан 50 метр алыстыкта коргоо тилкеси жана эки катар тосмолор түзүлөт, ошондой эле «коргоо жана эксплуатацияга» байланыштуу башка талаптар аткарылат.
«Албетте, айрым жерлерден элди көчүрүүгө аргасыз болобуз. Биздин алдын ала эсептөөлөр боюнча 130 үй-бүлөнү көчүрүү пландалууда. Компенсация үчүн болжол менен 50 миллиард сум (4,5 миллион долларга жакын, ар бир үй-бүлөгө орточо 384,6 миллион сум) талап кылынат. Бул болжолдуу сумма», — деди ал.