Экстремизмге шектелген жаран кармалды. Бул тууралуу Ош ОИИБден билдиришти.
Милиция кызматкерлери социалдык тармактарда мониторинг жүргүзгөн учурда өлкө аймагында тыюу салынган диний-экстремисттик материалдарды тараткан жаран аныкталып, алынган материалдар соттук-эксперттик кызматынын корутундусуна ылайык, диний экстремисттик уюмдарга таандык экендиги тастыкталып, Кылмыш-Жаза Кодексинин 332-беренесинин (экстремисттик материалдарды даярдоо, таратуу) негизинде кылмыш иши козголгон.
Кылмыш ишинин алкагында жүргүзүлгөн ыкчам иш-чаралардын негизинде 2003-жылы туулган жаран кармалып, камакка алынды. Азыркы учурда тиешелүү социалдык тармактар менен жана аларга катталган жарандар боюнча тергөө-оперативдик иш-чаралар улантылууда.