Жалал-Абадда окуучу кыз мектептин 2-кабатынан секирген. Маалыматты Жалал-Абад ОИИБден тастыкташты.
10-октябрь күнү Жалал-Абад ШИИБге 1991-жылы туулган аял киши арыз менен кайрылып, 11 жаштагы кызынын телефонун мугалим алып койгондуктан мектептин 2-кабатынан секирип жибергендигин билдирген. Кесепетинен окуучу кыздын сол буту сынып, Жалал-Абад облустук ооруканасына жаткырылган.
Бул факты Жалал-Абад ШИИБдин маалыматтарды электрондук каттоо журналына катталып, учурда териштирүү иштери жүрүп жатат.