Бишкекте таштанды челектен жаңы төрөлгөн ымыркай табылды. Октябрь РИИБден маалымат беришти.
8-ноябрда Бишкек ШИИБдин «102» кызматына саат 23:30 чамасында чалуу түшкөн. Анда Элебаев көчөсүндөгү таштанды челекте ымыркай жаткандыгы айтылган. Жерине барган милиция жаңы төрөлгөн ымыркайды тапкан. Аталган факты каттоого алынган. Учурда бул материал боюнча бардык зарыл болгон тергөө амалдары жүргүзүлүүдө. Ымыркай № 1 төрөт үйүнө которулган. Ымыркайдын абалы туруктуу.