Кыргызстан 2027–2028-жылдарга БУУнун Коопсуздук кеңешине туруктуу эмес мүчөлүгүнө өз талапкерлигин сунуштады. Бул тууралуу ТИМден кабарлашты.
Маалыматка караганда, кечээ Женевада өлкөнүн талапкерлигин көрсөтүү аземи болуп, аны министрлер кабинетинин төрагасынын орун басары Аяз Баетов ачкан.
«Кыргызстан Борбор Азияда саясий эрк көрсөтүп, маселелерди тынчтык жолу менен чечүү жана жакшы коңшулаштык принциптерин туруктуу илгерилетип жатат. Бул Кыргызстандын аймактык маселелерди чечүүдөгү жана глобалдык туруктуу тынчтыкка салым кошуудагы тынчтык орнотуу аракеттерине активдүү катышууга даяр экенин көрсөтөт», — деди Баетов.
Ошондой эле ал кыргыз тараптын эл аралык процесстерге катышуудагы негизги артыкчылыктарын белгиледи.