КР УКМК төрагасынын жакын туугандарынын атын жамынышып өзгөчө ири өлчөмдө алдамчылык фактысы боюнча Ш.у.З. жана С.И.Ф. аттуу Кыргыз Республикасынын жарандары КР УКМК тарабынан кармалышты.
Такталгандай, аталган адамдар коркутуу жолу менен, ошондой эле КР УКМК төрагасынын уулу менен жакын мамиледе экендигин айтышып К.Э.И. аттуу жарандын жеке кыймылсыз мүлкүн ээлеп алышкан.
2025-жылдын 3-июлунда козголгон кылмыш ишинин алкагында Ш.у.З. жана С.И.Ф. кармалып, КР ЖАКнын №1 ТКЖна киргизилди.
Учурда кылмыш иши боюнча тергөө иштери уланып, башка тиешеси бар адамдар такталууда.
