Бишкек шаардык соту активисттер Али Шабдан менен Атай Бейшенбектин бөгөт чарасын карап, райондук соттун чечимин күчүндө калтырды. Буга чейин Биринчи май райондук соту аларды 20-декабрга чейин камаган.
Сот мунун алдында активисттердин кармалышын дагы мыйзамдуу деп тапкан.
Эскерте кетсек, 23-24-октябрда жыйырмадан ашуун саясатчылар жана активисттер кармалып, дээрлик бардыгы эки айга камалган.
Ички иштер министрлиги (ИИМ) аларга Кылмыш-жаза кодексинин 36-278-беренеси (“Жапырт башаламандык уюштурууга даярдануу”) менен 20-октябрда козголгон кылмыш иштин алкагында тергөө жүргүзүлүп жатканын маалымдаган жана далилдер жетиштүү экенин билдирген.