Бишкекте наристесин таштандыга таштаган келин эч жакка кетпөө тил каты менен бошотулду. Бул тууралуу Бишкек шаардык сотунан билдиришти.
Маалыматка караганда, Октябрь райондук соту келиндин бөгөт чарасын карап, өзгөрткөн. Келиндин учурда ооруканада дарыланып жатканы эске алынып, эч жакка кетпөө тил каты менен бошотулган.
9-ноябрда Бишкекте таштанды челектен жаңы төрөлгөн ымыркай табылганы маалым болгон. Жерине барган милиция жаңы төрөлгөн ымыркайды тапкан. Саламаттыкты сактоо министрлигинен ымыркай Бишкектеги №1 төрөт үйүнө жеткирилгенин билдиришкен болчу. Милиция таштандыга ташталган ымыркайдын энесин кармаганын билдирген. Шектүү катары 2002-жылы туулган келин кармалган.