ЭЛТР Мамлекеттик телерадио компаниясы Сычуань эл аралык коммуникация жана телерадиоберүү корпорациясы менен кызматташууну өнүктүрүүдө. Сычуань Кытайдын батышындагы ири провинциялык медиа борборлордун бири болуп саналат.
2026-жылдын май айынын акыркы жумасында ЭЛТРдин башкы директорунун орун басары Нуркамал Асканованын жетекчилигинде делегация Кытайдагы өнөктөш корпорациянын ишмердүүлүгү менен таанышып, кыргыз-кытай жаштарын бириктирген маданий-гуманитардык иш-чарага катышты.
Программа материалдык эмес маданий мурастарды үйрөнүү, тажрыйба алмашуу жана экологиялык аң-сезимди өнүктүрүүгө багытталды. Катышуучулар жаратылышты коргоо, биоартүрдүүлүк жана экосистема темаларында талкууларга катышышты.
Сапардын жүрүшүндө делегация пандалар менен таанышып, Сычуань аймагындагы жаратылыш коруктарына жана тарыхый объектилерге барды.
Иш-чара кыргыз-кытай жаштарынын достугун бекемдеген концерт менен жыйынтыкталып, жаратылышты коргоо боюнча биргелешкен демилгелерге көңүл бурулду.
