Кыргызстандагы «Компаньон», «Дос кредо банк» жана «Бакай банк» Орусиянын «Мир» банктык картасын тейлөөнү токтотушту. Банктардын сайттарында бул техникалык себептен улам экени жазылды. Карталарды тейлөө качан жаңыртылары тууралуу маалымат жок.
23-сентябрда Өзбекстанда Орусиянын “Мир” банктык картасын тейлөө токтотулганын Uzcard Жалпы республикалык бирдиктүү процессинг борбору кабарлаган. Ага чейин 21-сентябрда Казакстандын Улуттук банкы да Орусиянын төлөм системасынын «Мир» карталарын тейлөө өлкөдөгү банкоматтарда убактылуу токтотуларын кабарлаган. 19-сентябрда Түркиянын ири финансылык мекемелери – Isbank жана Denizbank банктарында да аталган карта иштебей калган.