9-майдын алдында Россияга расмий сапары менен келе турган Кыргызстандын президенти Жеңиш парадына калууну чечти. Бул тууралуу РИА Новости Россия президентинин маалымат катчысы Дмитрий Песковго шилтеме берип жазды.
«Быйыл атайын чакыруулар болгон жок, бул мааракелик дата эмес. Быйыл Жапаров мырза майрам алдында расмий сапары менен келет. Ал парадга калып, Жеңиш майрамынын сыймыгын биз менен чогуу бөлүшүүнү чечти», — деди Песков «Билим. Биринчилер» марафонунда журналисттерге.