Президент Садыр Жапаров «Жылдын мугалими» аталган Назгүл Каныбековага батирдин сертификатын тапшырды. Бул тууралуу өлкө башчынын маалымат кызматынан кабарлашты.
Мамлекет башчысы мектепке чейинки жана жалпы билим берүү уюмдарынын мугалимдери арасында өткөн республикалык кароо-сынактын жеңүүчүлөрүн сыйлады. Каныбековадан тышкары дагы 13 мугалимге акчалай сертификаттар тапшырылды.
Өз сөзүндө президент мамлекеттик саясаттын негизги максаттарынын бири мектептик билим берүүнү эл аралык стандарттарга шайкеш келтирүү экенин белгилеп өттү.