Түркиядагы жер титирөөдө каза болгондордун саны 2921ге, жаракат алгандардын саны 15834кө жетти. Бул тууралуу Anadolu билдирди.
«Түркиянын түштүгүндөгү жер титирөөдөн каза болгондордун саны 2921ге жетти, 15834 адам жаракат алды», — деп айтылат агенттиктин билдирүүсүндө.
Түркиянын президенти Режеп Тайип Эрдоганөлкө боюнча 12-февралга чейин улуттук аза күтүү жарыялады.
6-февралга караган түнү Түркиянын Кахраманмараш провинциясында күчү 7,4 баллга жеткен жер титирөө болду. Андан тышкары Сириянын Алеппо, Латакия, Хама жана Тартус провинцияларына да таасирин тийгизди. Ал жерде акыркы маалыматтар боюнча 711 адам каза болуп, 1431 адам жаракат алган.