Жалал-Абадда 5 жаштагы кызды тайкесинин 6 жаштагы баласы тир мылтыгы менен атып алган. Маалыматты Жалал-Абад ОИИБден тастыкташты.
Милицияга Жалал-Абад облустук балдар хирургия бөлүмүнүн дарыгери кабар берген. Себеби 17-январь күнү саат 16:52 чамасында Жалал-Абад шаарынын Тайгараев айыл аймагынын жашоочусу 5 жаштагы кызды тайкесинин 6 жаштагы баласы тир мылтыгы менен ойноп жатып, байкабастан ичине атып алган.
Кыз Жалал-Абад облустук оорукананын балдар хирургия бөлүмүнө жаткырылган. Азыркы учурда териштирүү иштер жүрүп жатат. Саламаттыкты сактоо министрлигинин маалыматы боюнча, кызга операция жасалып, аман калган.