Бишкектин Биринчи май райондук соту 4-октябрда «Алтуха» каймана аты менен таанымал Алтынбек Ибраимовдун баш коргоо чарасын карады. Жыйынтыгында ал үй камагына чыгарылганын 5-октябрда райондук соттун басма сөз кызматы билдирди.
Криминалдык лидер К.Асанбектин уюшкан кылмыштуу тобунун активдүү мүчөлөрү 2023-жылдын 23-майында кармалганын УКМК билдирген. Расмий маалымат боюнча, кармалгандар көп жыл бою Кыргыз Республикасынын ишкерлеринен жана жарандарынан Кытайдан алып келген товарларын тартып алып жүрүшкөн.
Иш УКМК тарабынан КР Кылмыш-жаза кодексинин 209-беренесинин (алдамчылык) 4-бөлүгү менен козголгон. Камакка алынгандардын бири «Алтуха» деген каймана аты менен белгилүү А.И. болчу.