Жогорку Кеңештин төрагасы Нурланбек Тургунбек уулу өз каалоосу менен кызматынан кетүү чечимин кабыл алды. Бул тууралуу ал парламенттин жыйынында билдирди.
Анын айтымында, ал бул кызматка 2022-жылы дайындалып, ушул убакка чейин иштеп келди.
«Белгилеп кетким келет, мен эч качан бир же эки адам үчүн иштеген эмесмин, ар дайым өлкөнүн, кыргыз элинин кызыкчылыгы үчүн эмгектендим. Ушул убакыт аралыгында өлкөдө маанилүү жана зарыл чечимдердин кабыл алынышына өз салымымды коштум. Мен эч жакка кетпейм, депутат катары ишимди улантам. Саясий туруктуулукту сактоо үчүн интригасыз иштөөнү үйрөнүшүбүз керек», — деди Нурланбек Тургунбек уулу.