Фискалдык органдар тутумундагы коррупциялык көрүнүштөрдү аныктоо, алдын алуу жана бөгөт коюу боюнча жүргүзүлүп жаткан иш-чаралардын алкагында, КР КЖК 343-беренесинде каралган кылмыштын белгилери боюнча козголгон кылмыш ишинин алкагында топтолгон маалыматтардын негизинде – 2025-жылдын 2-сентябрь күнү, Мамлекеттик салык кызматынын Бишкек шаарынын Ленин району боюнча башкармалыгынын бөлүм башчысы «Т.У.Х.» жана бөлүмдүн башкы инспектору «О.У.Ж.» 50 миң сом өлчөмүндө пара алып жаткан жеринен кармалышты.
Тергөө иштеринин жыйынтыгы боюнча, аталган кызмат адамдары кармалып, КР КЖК 96-беренесине ылайык КР УКМКнын тергөө абагынын убактылуу кармоочу жайына киргизилди.
Учурда КР УКМК тарабынан фискалдык жана башка органдардагы коррупцияны жоюу боюнча активдүү иш-чаралар уланууда.
